បងប្អូនប្រជាពលរដ្ឋចំនួន ២ខេត្ត បានទទួលទឹកទំនប់ស្ទឹងស្រែងទី១បញ្ចេញទឹកតាមរយៈប្រឡាយមេខាងលិចទៅស្រោចស្រពដំណាំស្រូវប្រាំងចំនួន ៦០០០ហិកតា ថ្ងៃទី១៥ ខែមករា ឆ្នាំ២០២១។
មន្ទីរធនធានទឹក និងឧតុនិយម ខេត្តឧត្តរមានជ័យ សហការជាមួយ មន្ទីរធនធានទឹក និងឧតុនិយមខេត្តបន្ទាយមានជ័យ បានបើកទ្វារទឹកទំនប់ស្ទឹងស្រែងទី១បញ្ចេញទឹកតាមរយៈប្រឡាយមេខាងលិច ទៅស្រោចស្រពដំណាំស្រូវប្រាំង ចំនួន៦០០០ហិកតា ស្ថិតនៅឃុំ ណាំតៅ ស្រះជីក ភ្នំដី ប៉ោយចារ ស្ពានស្រែង ស្រុកភ្នំ ស្រុកខេត្តបន្ទាយមានជ័យ។
តាមការស្នើរសុំរបស់ប្រជាកសិករនៅតាមតំបន់ខាងលើ ក្រសួងធនធានទឹក និងឧតុនិយម បានសម្រេចបើកជូនតាមសំណូមពរ៕
