លោកជំទាវឧកញ៉ាបណ្ឌិត សៀង ចាន់ហេង ដែលត្រូវបានមហាជនស្គាល់ថា គឺជាស្ត្រីអ្នកជំនួញជោគជ័យជួរមុខក្នុងប្រទេសកម្ពុជា និងជាបុគ្គលម្នាក់ដែលមានចិត្តជ្រះថ្លាលើព្រះពុទ្ធសាសនា ក៍ដូចជាសង្គមជាតិជាខ្លាំងបានប្រកាសថា ថ្ងៃទី៩ ខែកញ្ញា ឆ្នាំ២០១៩ លោកជំទាវ និងធ្វើ ពិធី ក្រុងពាលី សឹត បដិមា ព្រះនាង ឥន្ទ្រទេវី តាម លំនាំបដិមាព្រះនាង នៅប្រាសាទ បាខន្ត័ អង្គរវត្ត ខេត្ត សៀមរាប ហើយបដិមា ព្រះនាង និង សិត អំពី លោហធាតុ ស្ពាន់សុទ្ធ ដើម្បីដាក់តម្កល់ ក្នុងប្រសាទ ដែលត្រូវ សាងសង់ ថ្មី នៅ ក្នុង បរិវេណ រាជបណ្ឌិត្យសភា ជាតិកម្ពុជា ។ នេះបើតាមការលើកឡើងលើFacebook Page ផ្លូវការ”លោកជំទាវឧកញ៉ាបណ្ឌិត សៀង ចាន់ហេង “។
ជាមួយនិងការប្រកាសនេះលោកជំទាវឧកញ៉ាបណ្ឌិត ក៏បានអញ្ជើញ មិត្តភ័ក្ដិក្នុងបណ្ដាញសង្គមFacebook ប្អូន ញាតិមិត្ត ជិត ឆ្ងាយ មេត្តា ចូលរួម តាមលទ្ធភាពដើម្បី រៀងៗ ខ្លួន ក្នុងការកសាងរូបសំណាក់ខាងលើនោះឡើង។
តាមរយៈFacebook Page ផ្លូវការ”លោកជំទាវឧកញ៉ាបណ្ឌិត សៀង ចាន់ហេង ” បានសរសេរយ៉ាងដូចនេះថា “សូមជំរាបជូនដំណឹងដល់បងប្អូនញាតិមិត្ត ជិតឆ្ងាយទាំងអស់ ពិសេសមិត្តរួមក្នុងបណ្ដាញសង្គមហ៊្វេសប៊ុក មេត្តាជ្រាបថា នា ថ្ងៃចន្ទ័ ១១ កើត ខែ ភទបទ្រ ឆ្នាំ កុរ ឯកសក័ ព.ស ២៥៦៣ ត្រូវនិងថ្ងៃទី៩ ខែកញ្ញា ឆ្នាំ២០១៩ វេលាម៉ោង ៩ ព្រឹក យើងខ្ញុំមាន ប្រារព ពិធី ក្រុងពាលី សឹត បដិមារ ព្រះនាង ឥន្ទ្រទេវី តាម លំនាំបដិម៉ារព្រះនាង នៅប្រាសាទ បាខន្ត័ អង្គរវត្ត ខេត្ត សៀមរាប ហើយបដិមារ ព្រះនាង និង សឹត អំពី លោហះធាតុ ស្ពាន់សុទ្ធ ដើម្បីដាក់តំកល់ ក្នុងប្រសាទ ដែលត្រូវ សាងសង់ថ្មី នៅក្នុង បរិវេណ រាជបណ្ឌឹតសភា ជាតិកម្ពុជា ។ អាស្រយ័ ហេតុដូច បាន ជំរាបជូនដំណឹង ខាង លើ សូម បង ប្អូន ញាតិមិត្ត ជិត ឆ្ងាយ មេត្តា អញ្ជើញ ចូលរួម សឹត បដិមារ ព្រះនាង ឥន្ត្រទេវី ដើម្បី ដាក់តំកល ជាទី គោរព បូជា និង តបស្នងគុណ ដោយ ក្តី ជ្រះថ្លា រៀងៗ ខ្លួន សូមអរគុណ!”។
ទោះបីជាមានការប្រកាសដូចបានលើកឡើងខាងលើក្ដី គេនៅមុនទាន់ដឹងថា បដិមា ព្រះនាង ឥន្ត្រទេវី និងត្រូវចំណាយ ស្ពាន់ អស់ប៉ុន្មានគីឡូក្រាមនៅឡើយនោះទេ។
ប៉ុន្មានថ្ងៃមុននេះ រហាត់ទឹកបុរាណដ៏ធំ ស្ថិតនៅសួនបណ្តុះកូនឈើប្រាសាទតាកែវ ជាអត្តសញ្ញាណមួយរបស់ខេត្ត សៀមរាប ដែលបានខូចលែងដំណើរការជាច្រើនឆ្នាំមកហើយនោះ ក៏ត្រូវបានលោកជំទាវឧកញ៉ាបណ្ឌិត សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍន៍ សន្យាថា និងជួយជួសជុលឲ្យដំណើរការដូចដើមវិញ។
សូមបញ្ជាក់ផងដែរថា លោកជំទាវឧកញ៉ាមហាឧបាសិកាបណ្ឌិតគុណធម៌ សៀង ចាន់ហេង គឺជាអ្នកដែលធ្វើបុណ្យទានយ៉ាងខ្លាំង ដោយលោកជំទាវឧកញ៉ាសាងសមិទ្ធផលនានា ដូចជា ព្រះវិហារ សាលារៀន ស្ពាន ផ្លូវ និង សមមិត្តផលជាច្រើនទៀត ស្ទើរគ្រប់ខេត្តក្រុងក្នុងព្រះរាជាណាចក្រកម្ពុជា៕
