បើសួរថា តើនរណាដែលមានងារមហាសេដ្ឋីមានប្រាក់សរុប ១០០ ពាន់លានមុនគេបង្អស់? ចម្លើយយ៉ាងខ្លីគឺ៖ Bill Gates។ កាលពីឆ្នាំ ១៩៩៩ Bill Gates បានបំបែកកំណត់ត្រាក្លាយជាបុគ្គលទី ១ ដែលមានទ្រព្យសម្បត្តិ ១០០ ពាន់លានដុល្លារ តែដោយសារវិបត្តិហិរញ្ញវត្ថុឆ្នាំ ២០០៨ បានធ្វើឲ្យទ្រព្យសម្បត្តិលោកនៅសល់ត្រឹម ៤០ ពាន់លានដុល្លារប៉ុណ្ណោះ។
លុះដល់ឆ្នាំ ២០១៧ ស្ថាបនិកក្រុមហ៊ុន Microsoft ទទួលបានងារសេដ្ឋីរយពាន់លានដុល្លារម្ដងទៀត។ តំណែងនេះក៏មានគូប្រជែងថ្មីគឺស្ថាបនិក Amazon លោក Jeff Bezos បានបំបែកកំណត់ត្រាជាសេដ្ឋីមានប្រាក់ ១០០ ពាន់លានដុល្លារទី ២ នៅខែវិច្ឆិកា ២០១៧។
រហូតដល់ខែសីហាឆ្នាំ ២០២០ Elon Musk និង Mark Zuckerberng បានចូលជាសមាជិកជាមួយ Bill Gates និង Jeff Bezos។
បន្ថែមពីនេះ ត្រឹមរយៈពេលប្រមាណ ១១ខែបន្ទាប់ពីស្ថាបនិកក្រុមហ៊ុន Facebook និងនាយកប្រតិបត្តិក្រុមហ៊ុន Tesla ចូលក្នុងបញ្ជីសេដ្ឋីប្រាក់រយពាន់លានដុល្លារមក ក៏មានសមាជិកថ្មី ៦ នាក់បន្ថែមទៀត ដែលពួកគេគឺ៖
- Larry Ellison មានទ្រព្យសម្បត្តិសរុប ១០០ ពាន់លានដុល្លារ
- Steve Ballmer មានទ្រព្យសម្បត្តិសរុប ១០១ ពាន់លានដុល្លារ
- Warren Buffett មានទ្រព្យសម្បត្តិសរុប ១០៥ ពាន់លានដុល្លារ
- Sergey Brin មានទ្រព្យសម្បត្តិសរុប ១១១ ពាន់លានដុល្លារ
- Larry Page មានទ្រព្យសម្បត្តិសរុប ១១៥ ពាន់លានដុល្លារ
- Mark Zuckerberng មានទ្រព្យសម្បត្តិសរុប ១៣០ ពាន់លានដុល្លារ
- Bill Gate មានទ្រព្យសម្បត្តិសរុប ១៤៨ ពាន់លានដុល្លារ
- Bernard Arnault មានទ្រព្យសម្បត្តិសរុប ១៦៤ ពាន់លានដុល្លារ
- Elon Musk មានទ្រព្យសម្បត្តិសរុប ១៧៩ ពាន់លានដុល្លារ
- Jeff Bezos មានទ្រព្យសម្បត្តិសរុប ២១៣ ពាន់លានដុល្លារ
បញ្ជាក់ដែរថា ប្រសិនបើគិតរួមគ្នានៃទ្រព្យសម្បត្តិរបស់បុគ្គលទាំង ១០ រូបខាងលើ គឺមានរហូតដល់ទៅ ១,២៦១ ទ្រីលានដុល្លារឯណោះ៕
ប្រភព: Celebritynetworth