មិនមែនជាការបង្រៀនវគ្គជោគជ័យ វគ្គក្លាយជាសហគ្រិនភាពឆ្នើមភ្លាមៗអីនោះទេ តែលោក ឧកញ៉ា ហ៊ួត ជា អគ្គនាយកក្រុមហ៊ុន ហ៊ួត ជា ផ្គត់ផ្គង់គ្រឿងសំណង់គ្រប់ប្រភេទ ថ្មីៗនេះបានប្រកាសស្វាគមន៍ កូនសិស្សមកពីគ្រប់ទិសទី រៀនសូត្រជំនាញលក់ដោយមិនគិតប្រាក់។ ជំនាញដែល ឧកញ៉ា ហ៊ួត ជានឹងបណ្ដុះបណ្ដាលដល់កូនសិស្ស គឺជំនាញផ្នែកលក់សម្ភារៈសំណង់ លក់អចលនទ្រព្យ (លក់បុរី) លក់ឧបករណ៍ហាត់ប្រាណ និងធ្វើការងារនៅហាងបញ្ចាំជាដើម។

ចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ម្ចាស់គម្រោងលំនៅឋាន ហ៊ួត ជា ម៉ាកិត្យា រូបនេះ បានបញ្ជាក់ពីលក្ខខណ្ឌនៃការជ្រើសរើសកូនសិស្សដូចខាងក្រោម៖

1/ មានរូបសម្បត្តិសមរម្យ កាយសម្បទារមាំមួន( ផ្នែកលក់)

2/ក្លាហាន និង មានឆន្ទៈមុះមុត

3/ ទ្រាំនឿយ មិនទ្រាំក្រ

4/ ការសិក្សារចាប់ពីថ្នាក់ទី 12 ឡើង

5/ មានប្រវត្តិរូបល្អ បញ្ជាក់ពី ឃុំ ឬសង្កាត់(លិខិតបញ្ជាក់អាកប្បកិរិយា)

6/មានក្តីស្រមៃនិងគោលដៅធំ

7/ ប្រើFacebook ឬSocial Media ( ឈ្មោះពិត )

8/ អាយុចាប់ពី 25-35 ឆ្នាំ នៅលីវ

វគ្គបណ្តុះបណ្តាលសិក្ខាកាមផ្នែកលក់ខាងលើទាំងអស់នេះ នឹងធ្វើឡើងនៅទីស្នាក់ការក្រុមហ៊ុន ហ៊ួត ជា ផ្ទាល់តែម្ដង។ អត្ថប្រយោជន៍ដែលសិក្ខាកាមរៀនសូត្រវគ្គទ្រឹស្ដីជំនាញលក់ ហើយបានអនុវត្តន៍ទ្រឹស្ដីផ្ទាល់ នឹងទទួលបានដូចជា៖

– ចេះជំនាញលក់ និងការងារទូទៅ

– មានចំណូល ពីប្រាក់លើកទឹកចិត្ត និងរបស់អនុស្សារីយ៍ផ្សេងៗ

– យល់ពីគន្លឹះនៃការសម្រួចគោលដៅជីវិត

– បណ្តុះបណ្តាលផ្ទាល់ពីប្រធាន និងអគ្គនាយកក្រុមហ៊ុន ហ៊ួត ជា ផ្ទាល់

សូមបញ្ជាក់ថា ក្រុមហ៊ុនមានកន្លែងហាត់ការផ្ទាល់ៗនៅការិយាល័យធ្វើការ បន្ទប់ស្ទូដយោថតផ្ទាល់ខ្លួន សម្រាប់កូនសិស្សរៀនសូត្រ និងអនុវត្តន៍ផ្ទាល់ៗ។ ប្រញាប់ឡើង! ឱកាសរៀនសូត្រដោយផ្ទាល់ពីម្ចាស់អាជីវកម្ម ដែលកំពុងកាន់កាប់មុខជំនួញជាច្រើនក្នុងដៃ និងមានបទពិសោធន៍ក្នុងពិភពជំនួញជាច្រើនឆ្នាំ។ ចំនួនសិក្ខាកាមជ្រើសរើសចូលរួមដោយមិនគិតថ្លៃនេះ មានកំណត់! សម្រាប់ការបរិច្ឆេទឈប់ទទួលពាក្យ នឹងត្រូវបិទបញ្ចប់ត្រឹម ថ្ងៃទី៣០ ខែសីហា ឆ្នាំ២០២១  

សម្រាប់បងប្អូន ដែលមានចំណាប់អារម្មណ៍អាចទំនាក់ទំនងតាមតេឡេក្រាមលេខ 069 778 488/ 097 330 3333 ឬផ្ញើសារចូលទៅកាន់ផេក ឧកញ៉ា ហ៊ួត ជា ផ្ទាល់ក៏បាន៕