ត្រឹមរយៈពេល ៥ខែដើមឆ្នាំ២០២១នេះ មហាជនអ្នកលេងបណ្តាញសង្គម ហាក់មានការភ្ញាក់ផ្អើល និងទទួលបានការចាប់អារម្មណ៍ជាខ្លាំង ចំពោះរឿងរ៉ាវវិវាទរបស់ឧកញ៉ាៗ ៦រូប ដែលជួបរឿងអាស្រូវគ្រួសារ ស្នេហា និងបញ្ហាសង្គម។

កូនប្រុសឧកញ៉ា ឌួង ងៀប និងលោកជំទាវ ខុន លីស៊ីអាណា លោក ឌួង គីមឡុង ចូលរោងជ័យជាមួយកូនក្រមុំឈ្មោះ ដេត ម៉ារីណា កាលពីថ្ងៃទី២១ ខែឧសភា ឆ្នាំ២០២១ យ៉ាងសាមញ្ញក្នុងត្រកូលគ្រួសារអភិជនមួយនេះ។

នៅថ្ងៃទី២២ ខែឧសភា ឆ្នាំ២០២១នេះ លោកឧកញ៉ា ឌួង ងៀប ចេញមកបកស្រាយជុំវិញរឿងរ៉ាវគ្រួសារដែលកំពុងបង្ករការភ្ញាក់ផ្អើល ខណៈសំណុំរឿងលែងលះគ្នារវាងលោក និងភរិយាស្ថិតក្នុងដៃតុលាការ។

ឧកញ៉ា ឌួង ងៀប នៅព្រឹកថ្ងៃទី២២ ខែឧសភា ឆ្នាំ២០២នេះ បានចេញមកបំភ្លឺរឿងរ៉ាវជម្លោះគ្រួសារអភិជន ដែលកំពុងប្តឹងផ្តល់គ្នាឡើងតុលាការ។

ឧកញ៉ា ឌួង ងៀប និងលោក​ជំទាវ ខុង លីស៊ីអាណា បានទៅកាន់តុលាការតាមដីកាកោះហៅដើម្បីលែងលះ ប៉ុន្តែពុំបានសម្រេចឡើយ ដោយសារភាគីខាងប្រពន្ធមិនយល់ព្រម

លោកឧកញ៉ា ឌួង ងៀប និងប្រពន្ធ គឺលោកជំទាវ ខុង លីស៊ីអាណា បានមកកាន់តុលាការចូល​ខ្លួន​ទាញ​ហេតុ​ផល​ដើម្បី​លែង​លះ​នៅ​ថ្ងៃ​ទី​១៩​ ខែ​ឧសភា​ នេះ។

ភរិយា​​ឧកញ៉ា ឌួង ងៀប និង​ត្រូវ​ជា​ម្ដាយ​បង្កើតអតីតឧកញ៉ា ឌួង ឆាយ​ គឺ​លោកស្រី ខុង លីស៊ីអាណា ​បាន​ចេញ​មុខ​ទទូច​ស្នើ​សុំ​យុត្តិធម៌​សម្រាប់​ខ្លួន​ឯង ​និង​កូន​ប្រុស​គឺ​ព្រះតេជព្រះគុណ ឌួង ឆាយ