ប្អូនស្រី និងកូន បានចេញពីពេទ្យវិញហើយ សុខសប្បាយទាំងអស់គ្នា។ អរគុណបងកងកម្លាំង បាននាំយកថវិកានាងខ្ញុំ 1000$ ទៅប្រគល់ជូនគ្រួសារប្អូននៅបន្ទប់ជួលដែលកំពុងចត្តាឡីស័កម្ដុំអូរបែកក្អម ខណ្ឌសែនសុខ។ អ្នកនាងទ្រី ដាណា បានថ្លែងដោយក្តីអាណិតអាសូរ ក្រោយពេលអ្នកនាងបានឧបត្ថម្ភថវិកា ១ ពាន់ដុល្លារដល់ស្រ្តីម្នាក់ដែលបានសម្រាលកូនមុខបន្ទប់ដ៏គួរឲ្យសង្វេគ។
ថៅកែហាងលក់ត្បូងពេជ្រ និងម្ចាស់ផលិតផល NNP ដ៏ល្បីរូបនេះ ក៏មិនភ្លេចអរគុណដល់ ក្រុមគ្រូពេទ្យ កម្លាំងមានសមត្ថកិច្ច និងអ្នកទាំងអស់គ្នា ដែលរួមគ្នាជួយស្រ្តីជួបទុក្ខក្នុងពេលនេះ។
អ្នកនាងថ្លែងបន្តថា ពេលវេលាកំពុងលំបាក ជាការរួមកម្លាំងគ្នា ដើម្បីជួយគ្នាទៅវិញទៅមក។ សង្ឃឹមថា កូវីដ១៩ នឹងរលត់សាបសូន្យពីទឹកដីកម្ពុជា៕