គម្រោងសាងសង់ព្រលានយន្ដហោះតារាសាគរ នៅខេត្តកោះកុង នឹងអាចឲ្យដាក់ដំណើរការ ចុងឆ្នាំ២០២១នេះ ស្របពេលដែលដំណើរការសាងសង់ បានបញ្ចប់រួចរាល់។ នេះបើតាមមន្រ្តីអាកាសចរស៊ីវិល។
លោក ស៊ីន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិលបានឲ្យដឹងថា ព្រលានយន្ដហោះតារាសាគរ នៅខេត្តកោះកុង បានបញ្ចប់ការសាងសង់រួចរាល់នៅចុងឆ្នាំ២០២០ នៅសល់តែលើការងារសំអាត និងការធ្វើតេស្ដបច្ចេកទេសមួយចំនួន ដែលត្រូវការពេលវេលាប្រមាណ៥-៦ខែទៀត នឹងអាចដាក់ឲ្យដំណើរការ នៅចុងឆ្នាំ២០២១នេះ។
ព្រលានយន្ដហោះ តារាសាគរ ស្ថិតក្នុងស្រុកបុទមសាគរ ខេត្តកោះកុង ជាវិនិយោគដោយក្រុមហ៊ុនចិន Union Development Group លើទំហំទឹកប្រាក់១៥០លានដុល្លារ ក្នុងការប្រែក្លាយតំបន់ឆ្នេរខេត្តកោះកុងជារមណីយដ្ឋានទេសចរណ៍កម្រិតអន្តរជាតិ៕