លោកឧកញ៉ា ឃន ឈុនដារ៉ា និងភរិយាអ្នកស្រី តាំង គីមហៀង ត្រូវបានតុលារការសម្រេចដោះលែងហើយ។

ភរិយាឧកញ៉ា ឃន ឈុនដារ៉ា កូនបង្កើតឧកញ៉ា ហេង សៀ អ្នកស្រី តាំង គីមហៀង ត្រូវសមត្ថកិច្ចអនុញ្ញាត្តិឲ្យត្រឡប់ទៅលំនៅដ្ឋានវិញកាលពីថ្ងៃទី១៦ ខែឧសភាម្សិលមិញ។

លោក ឃន ឈុនដារ៉ា នាយកក្រុមហ៊ុន ខេមបូភូរ៉ា ក្លាស ឯ.ក ជានាយកប្រតិបត្តិនៃក្រុមហ៊ុន KOI Thé Cambodia និងជាស្ថាបនិក Tube Café ដែលជាស្លាកសញ្ញាហាងកាហ្វេថ្មីមួយកំពុងមានឈ្មោះបោះសំឡេង ។

កូនស្រីបង្កើតឧកញ៉ា ហេង សៀ គឺអ្នកស្រី តាំង គីមហៀង ដែលរួមគំនិតគ្នាជាមួយប្ដី ត្រូវបានសមត្ថកិច្ចចាប់ខ្លួន ពីបទជួលមនុស្សប្រុស-ស្រី ថតរូបភាពអាសអាសភាស ដើម្បីបំភាន់សាធារណជន និងបំផ្លាញកិត្តិយស កញ្ញា មាន ពេជ្ររីតា។