ជំងឺរាតត្បាតកូវីដ១៩ រីករាលដាលចូលក្នុងសហគមន៍អស់រយៈពេលមួយខែហើយមិនទាន់បានបិទបញ្ចប់នៅឡើយ។ ខណៈរាជរដ្ឋាភិបាល ក្រុមគ្រូពេទ្យ អាជ្ញាធរ មន្រ្តីពាក់ព័ន្ធ និងប្រជាពលរដ្ឋចូលរួមទប់ស្កាត់ការពារ ប្រយុទ្ធប្រឆាំងដើម្បីកុំឲ្យមានការរីករាលដាលបន្តទៀត។
លោកឧកញ៉ា ហ៊ួត ជា ម្ចាស់ក្រុមហ៊ុន ហ៊ួត ជា ផ្គត់ផ្គង់សម្ភារៈសំណង់ដ៏ធំ និងគម្រោងលំនៅដ្ឋាន ហ៊ួត ជា វិចិត្រដារ៉ា នៅរសៀលថ្ងៃទី២២ ខែមីនានេះ បានចូលរួមឧបត្ថម្ភ ម៉ាស់ចំនួន ១០០ប្រអប់ ទឹកបរិសុទ្ធចំនួន ១០០កេស និងអាល់កុលចំនួន១កាន ជូនដល់លោក ហែម ដារិទ្ធិ អភិបាល នៃគណៈអភិបាលខ័ណ្ឌពោធិ៍សែនជ័យ ដើម្បីចូលរួមទប់ស្កាត់ និងការពារការរាតត្បាតមេរោគកូវីដ១៩។
លោកឧកញ៉ាបានណែនាំឲ្យបងប្អូនប្រជាពលរដ្ឋទាំងអស់ ចូលរួមអនុវត្តតាមវិធានសុខាភិបាល ឲ្យបានម៉ត់ចត់ និងបន្តអនុវត្តវិធានការ ៣ការពារ និង៣កុំ ឱ្យបានម៉ឺងម៉ាត់ជាទីបំផុត ដើម្បីជៀសផុតពីជម្ងឺកាចសាហាវមួយនេះ៕
