ឧកញ៉ា តេង ហឿង ប្រធានអគ្គនាយក និងលោកជំទាវ លឹម ឡាង នៃបុរី ហ្គោលដេនផាក បានចូលរួមឧបត្ថម្ភថវិកាចំនួន ៥០,០០០ ដុល្លារ ដល់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ដើម្បីប្រយុទ្ធប្រឆាំងកូវីដ១៩។
ការបរិច្ចាគថវិកាដ៏ច្រើននេះ ដើម្បីគាំទ្រដល់សកម្មភាពចុះជួយសង្គមក្នុងយុទ្ធនាការទប់ស្កាត់ការរីករាលដាលនៃជំងឺកូវីដ និងព្យាបាលប្រជាពលរដ្ឋដោយឥតគិតថ្លៃនៅក្នុងបេសកកម្មមនុស្សធម៌របស់សមាគមនៅទូទាំងប្រទេស ។
គិតមកដល់ពេលនេះសមាគម TYDA មានសប្បុរសជន ក្រុមហ៊ុន និងឧកញ៉ាៗ ជាច្រើន បានប្រកាសបរិច្ចាគថវិការាប់សិបម៉ឺនដុល្លារ និងមានសម្ភារៈមួយចំនួនទៀតផងដែរ៕