នៅថ្ងៃនេះក្រសួងសុខាភិបាល បានប្រកាសរកឃើញអ្នកវិជ្ជមានកូវីដ១៩ថ្មីចំនួន ២៩១ នាក់ទៀត ក្នុងនោះនៅរាជធានីភ្នំពេញចំនួន ២២៨នាក់ ព្រះសីហនុ ២៦ កណ្ដាល ១៤ តាកែវ ១២ ស្វាយរៀង ៨ ព្រៃវែង ២ និងករណីជាសះស្បើយចំនួន ២៣នាក់។
តាមរបាយការណ៍ក្រសួងចំណោមអ្នកឆ្លងដល់ទៅ ២៩១នាក់ នោះមានករណីឆ្លងសហគមន៍ចំនួន ២៩០ នាក់ អ្នកដំណើរពីបរទេសចំនួន ០១ នាក់ផងដែរ។
សូមជម្រាបជូនថា នៅប្រទេសកម្ពុជា គិតត្រឹមព្រឹក ថ្ងៃទី១៧ ខែមេសា ឆ្នាំ២០២១ មានអ្នកឆ្លងសរុបជាបណ្តោះអាសន្នចំនួន ៥៧៧១ នាក់ ខណៈអ្នកជាសះស្បើយ ២៤១៦ នាក់ ព្រមទាំងអ្នកកំពុងព្យាបាល ៣៣១១ នាក់ និងករណីអ្នកឆ្លងក្នុងព្រឹត្តិការណ៍សហគមន៍ ២០កុម្ភៈចំនួន ៣៩ នាក់៕