សេចក្ដីប្រកាសរបស់ក្រសួងសុខាភិបាល ចុះថ្ងៃទី២៥ ខែមេសា ឆ្នាំ២០២១នេះ បានអនុញ្ញាតឱ្យម្ចាស់សេវាព្យាបាលឯកជន និងសម្ភពស្របច្បាប់ ក្នុងរាជធានីភ្នំពេញទាំងអស់ អាចទទួលពិនិត្យ ថែទាំង និងព្យាបាលអ្នកជំងឺកូវីដ-១៩ បាន។ ការជូនដំណឹងនេះ ដើម្បីផ្ដល់ឱកាសដល់គ្លីនិកឯកជនទាំងអស់ក្នុងរាជធានីភ្នំពេញ អាចរួមចំណែកសម្រាលបន្ទុករបស់មន្ទីរពេទ្យរដ្ឋ ដែលត្រូវព្យាបាលអ្នកជំងឺកូវីដ មានចំនួនកើនឡើងរាល់ថ្ងៃនេះ។
