លោកអ្នកនាងប្រាកដជាធ្លាប់បានស្គាល់ ក្រុមហ៊ុន អិល. វ៉ាយ. ភី គ្រុប ដែលបានឈរជើងក្នុងពិភពជំនួញនៅកម្ពុជាជាង៣០ឆ្នាំមកហើយ ខណៈក្រុមហ៊ុនរបស់មហាសេដ្ឋីកំពូលលំដាប់ប្រទេសមួយនេះបានវិវឌ្ឍន៍ខ្លួនយ៉ាងលឿងជាទីបំផុត។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
អិល.វ៉ាយ.ភី គ្រុប ចាប់ផ្តើមបដិសន្ធិឡើងនៅដើមទសវត្សឆ្នាំ៩០ ជាការផ្តួចផ្តើមគំនិត និងចក្ខុវិស័យវែងឆ្ងាយរបស់អ្នកឧកញ៉ា លី យ៉ុងផាត់ ដែលជាអ្នករកស៊ីដ៏មានឥទ្ធិពលម្នាក់ និងគេស្គាល់ថាជា «ស្តេចកោះកុង»។ លោករកស៊ីជំនួញជាច្រើនមុខស្ទើរគ្រប់វិស័យរួមមាន៖ វិស័យសណ្ឋាគារ និងកម្សាន្ត, វិស័យហេដ្ឋារចនាសម្ព័ន្ធ និងសេវាទឹកភ្លើង, វិស័យកសិកម្ម និងដំណាំកសិឧស្សាហកម្ម, នាំចូល និងចែកចាយ, វិស័យអចលនទ្រព្យ, ប្រព័ន្ធផ្សព្វផ្សាយ, និងមជ្ឈមណ្ឌលចែកចាយផលិតផល។
នៅពីក្រោយការជោគជ័យ និងភាពល្បីល្បាញក្នុងពិភពជំនួញនៅកម្ពុជាពេលនេះ ក៏មានឥស្សរជនដែលជាមគ្គុទេសន៍ដ៏ឆ្នើម និងជាអ្នកជំនួញមានបទពិសោធន៍យូឆ្នាំម្នាក់ក្នុងការធ្វើជំនួញក្នុងស្រុក និងក្រៅប្រទេសផងដែរ។
លោកឧកញ៉ា សេង ញ៉ក់ នាយកក្រុមហ៊ុន អិល វ៉ាយ ភី គ្រុប និងអគ្គនាយកក្រុមហ៊ុន ដឹ ព្រេមៀលែន ឯ.ក។ លោកឧកញ៉ា មានស្រុកកំណើតនៅទីក្រុងភ្នំពេញ។ លោកបានបញ្ចប់ការសិក្សា ថ្នាក់អនុបណ្ឌិត ផ្នែកពាណិជ្ជកម្ម។ លោកជាបុគ្គលម្នាក់ក្នុងចំណោមបុគ្គលសំខាន់ៗ ដែលបុរសម្នាក់នេះ ដែលបានលះបង់កម្លាំងកាយចិត្ត ជំនះគ្រប់ព្យុះភ្លៀង និងជ្រុំជ្រែងដើម្បីនាំភាពជោគជ័យមកឲ្យក្រុមហ៊ុន អិល.វ៉ាយ.ភី គ្រុប។
ជាមួយនិងការក្តោបក្តាប់តួនាទីសំខាន់ៗក្នុងក្រុមហ៊ុន លោកឧកញ៉ា សេង ញ៉ក់ ក៏ជាកូនប្រសាររបស់អ្នកឧកញ៉ា លី យ៉ុងផាត់ ឧត្តមភរិយារបស់លោកគឺលោកជំទាវ លី អាផណ។ មកដល់ពេលបច្ចុប្បន្នលោកកាន់តួនាទីសំខាន់ៗជាច្រើនក្នុងមុខជំនួញរបស់មហាសេដ្ឋី លី យ៉ុងផាត់ រួមមាន៖ នាយកក្រុមហ៊ុន អិល វ៉ាយ ភី គ្រុប, អគ្គនាយកក្រុមហ៊ុន ដឹ ព្រេមៀលែន, អគ្គនាយកក្រុមហ៊ុន ភ្នំពេញស៊ូហ្គើរ និងគម្រោងជាច្រើនផ្សេងទៀតដែលមានតម្លៃរាប់រយលានដុល្លារអាមេរិក។
សមិទ្ធផលជោគជ័យដ៏អស្ចារ្យ ហើយឈរជើងរឹងមាំមកដល់សព្វថ្ងៃនេះ សុទ្ធតែកើតឡើងពីថ្នាក់ដឹកនាំកំពូលៗ និងអ្នកគ្រប់គ្រងសុទ្ធតែមានទេពកោសល្យ ជំនាញ បច្ចេកទេសច្បាស់លាស់ ដើម្បីនាំនូវភាពជោគជ័យទាំងអស់នេះមកជូន អិល.វ៉ាយ.ភី គ្រុប ដែលមានមហាសេដ្ឋីដ៏មានឥទ្ធិពលម្នាក់ លី យ៉ុងផាត់ ប្រធានក្រុមប្រឹក្សាភិបាលនៃក្រុមហ៊ុន អិល វ៉ាយ ភី គ្រុប ដែលជាក្រុមហ៊ុនវិនិយោគខ្មែរដ៏ធំល្បីល្បាញមួយនៅក្នុងប្រទេសកម្ពុជា៕
សូមចុចអានអត្ថបទទាក់ទង៖